Samuel玩樂格

主要討論下 行邊條路比較好,同一開始起咩好

基礎認識:

1. 呢個GAME係鬥多分,所以多BUILDING=多分,但唔一定多分的BUILDING就係最好,因為BUILDING有特殊能力可以幫你手,如INN

2. 遊戲玩5年,每年3次擲骰起BUILDING,所以最多可以起15個

3. 每條路最高可起到4級,即係話你最多可以起3條FULL

5條路的簡介,從上而下

1. 教堂最多分的BUILDING

2. 個人覺得COMMERICAL呢條最有用

3&4. 都係幫手加兵力為主

5. 特別能力好用

1-18號人物

遊戲得3種資源,木石金

最多一個人物俾到的資源係

16=4金

13=3石

14=3個任何資源,不過要用1分換

15&18係各一個

反而最想講的係,得1號小丑同17號皇后係會有分的

BUILDING的次序

我自己的傾向234全FULL,5起到3級,需然教堂好多分,但冇額外能力加成,

我的策略係用34去打,盡量唔放骰在拿兵的地方去增加資源,除非你好好運,如果唔係要起晒15個BUILDING係好唔夠資源的

我覺得要盡快起的BUILDING為

INN = 每逢夏季時會多一[+2]標記

CRANE = 起34級BUILDING時平1金,假設你要起15個,其中7個為34級,即平左7金

Farms = 多擲1顆白色骰子,呢個對任何玩家都係必要的,因為個個TURN你都可以多一粒骰,就算兵力-1都好抵

Merchant’s Guild = 每回多1個金,如果同CRANE一齊COMBO,我估你要拿金的需求會減少好多

頭2ROUND一定要起到INN,因為夏季時會多一[+2]標記,起到就多一個可用,[+2]好多用另你放人物時多選擇

如果有信心可以打贏第一場魔族大軍,可以考慮起到Crane,即第1年的BUILDING為,INN,BARRICADE,CRANE

通常我第一年都會係INN,BARRICADE,PALISADE或者GUARD TOWER(視乎資源而定)34 TRACK開頭差唔多的,要分的話PALISADE好D,因為對ZOMBIES會再加1兵力

第2年最好有FARMS,或者保守D第3年春天拿,咁你就可以多1粒骰,呢個好最要

第2年最危險,因為兵力得1或者2,所以如果可以的話拿兵幫手

第3年就要齊埋Merchant’s Guild,咁成個TRACK就完成,之後的次序冇所謂

越後面當你好多資源時,17號皇后係你必搶的,TOWN HALL賣野又係可以多一分的

根據以上的策略,所需要的資源如下:

你會見到要木係最多,但人物最多可以俾你一次拿2條,所以要想辦法拿多D木,一開始最好選木,因為你點都可以起到一個BUILDING

上次提到軸心最主要係拉近$的差距,今次會就呢個課題討論戰略。

因為英,美的首都在好遠,所以基本有效的戰略係夾住蘇聯(USSR)來打。先分析形勢,在呢個戰略下,蘇聯會2面受敵,英,美可能會起工廠在亞洲或印度,用以抵抗日本,加上佢地會盡可能登錄蘇聯本土協防,fighter防守超強,加上蘇聯的人海戰術,德國要有大量傷亡的心理準備。

記住呢個GAME的資源係此消彼長的,你多$1,人家就少$1,來回差距就會變成$2的了。

德國

係你們夾攻蘇聯的同時,同盟都一樣採取圍攻德軍的戰略,通常呢個先歐後亞的成功機會好高,以1對3,$一定冇得比,所以要打速度,親佢地未SETUP好陣形,先攻下中東,同日本會師一起夾死蘇聯。

1. 海軍

要殺晒英國的海上軍力,使對方要花好多$重建,拉近差距。可能的話,對方每次起海軍都想辦法殺

自己的海軍請保持在地中海入邊,唔好出黎,一來可以保住輸送去非洲,2來因為美國$多,好快可以起出一批fighter,你一出地中海基本上必死的。

2. 陸軍

話就話主要打蘇聯,但一開始要攻非洲擴大資源。

每回合派2士兵去加上之前有的部隊,2-3回合應可以統領大部份非洲。

如果英、美派軍過來,由佢打,呢度唔係主戰場,唔好浪費太多兵力。

上方蘇聯,目標為Karelia,因為呢度有工廠,而且補給線短,成為攻入俄羅斯的橋頭堡。不過應該要好幾TURN先可以,開頭不防拉据戰,令對方唔可以起兵守都係一種策略。反以下面Caucasus離補給線太遠,攻完都冇力守,只會成為消。

日本

玩咁多次都唔會沒落的,因為德國被消滅已經玩完,所以可以好放心咁打。日本的作用係減蘇聯的$,減慢美國的幫手速度。

1. 海軍

珍珠港打唔打都得,個人偏向打,使美國唔可以移走呢度的海軍去圍德國。

一定要派transport去收回所以散島的兵,唔係一定唔夠打,一開始起Transport都係正路。

澳紐就睇情況,骰運好的而又有多的兵力就打,$3話多唔多,話少唔少,不過好多時都係放過佢,而將兵力調去主戰場。

2. 陸軍

分開2條路,

隻game的流程超簡單,好易上手,但贏的方法好多,因為只係需要集齊6個龍石(Dragon Rune),減左起始時的2個,即收集多4個就可以贏。

所以目標就會變為如何拿和守護龍石,可以通過以下幾個方法拿到:

1. 戰爭,佔領有龍石的地方

因為隻game玩6年x4季,Total 24Round,但注意每年只能打人2次,即最多12次戰爭,所以你應該好難打死晒2-3個對手,集中火力對付一個會好d

打人就每個軍團都有強兵弱隊,但個人應為一定要想辦法拉攏中立部隊,血多又強,最重要係唔洗錢

呢隻game徵兵超慢,每年最多拿兵一次,仲要計你有咩資源,拿邊種兵,每次最多只能拿2種,拿完冬天時仲要有地方上限,多出就自動死

所以一開始的home realam的擺位好重要,揀一個易守難攻,中段再在中路再起多個stronghold(城堡)後方就可以儲龍石

2. Hero的任務獎賞

25張任務獎賞入面有5張直接多1個龍石的,其次就係Title Card的每3個任務獎賞換1個龍石

以最多3個hero計,頂盡17個任務獎賞,所以係一定可以用呢個方法去逹到目的

3. Season事件咭

主要係冬天時會有3張讓你bid龍石,所以錢多(影響力token)好最要,尤其tie bid時計最多錢的話事,再tie時計起始多錢,即elf>human>undead>uthuk,evil軍係超唔著數

4. Tactic Card

入面都有張可以迫對手將龍石搬走的,加上好多時都能令你打人時容易d,如果係evil軍團(undead同uthuk)仲有機會因為Objective Card,6張Tactc Card變1個龍石

我估計遊戲係唔需要去到6年先完,好多時3年開始就應該有人叫糊,越後面越能同時拿取多粒龍石

心得:

3張title咭

wizards’council越早買越著數,一定有回報,

3 reward card 換龍石就需要你有3個heroes做任務先好,通常都係後幾年先用到,如果你走多hero路線呢個係好野

dragon rune = +2 Unit Stregth,用過一般,多2個唔能夠讓你唔放兵守,對攻方又唔係多好多,因為隻game的戰爭都幾多時miss attack,運氣成份高,雖然可以計機會,但都係帶多幾隻兵穩陣

Tactic Card

呢個好重要,物如其名成為game入面你的策略走線,官網出左策略用Lost City,在對手附近起個城出黎,靠的就係Tactic Card

唔同的咭有唔同效用,不論進攻防守,拿龍石起城堡,好多時會有令人有奇擊的效果,總之多抽多著數

Hero

好多人覺得Hero冇用,只能做quest對戰事起唔到決定性的作用,之前題過拿reward card時有1/5機會拿到龍石,另外evil的殺晒對手hero的objective card,lost city,免費移動等都要用到hero

12隻其中有3隻每到對手地區就殺一隻都ok

加上3換1,同每夏季免費移動做任務,另最重要的龍石偵察等都變相令多hero可以成為策略走線,如果遇上season咭可以請多個hero,第2年開始就可以有3個人走來走去,即=每年多1粒龍石,4-5年一定end game

各種族介紹

UNDEAD

法師好強,可以生2隻士兵,黑騎係全game最強戰士之1,隻game好難做到1隻兵打晒,所以最強的兵都未必能以1打多,兵法都係以正路兵多為主

uthuk

Chaos Lord又係全game最強戰士之1,快速兵種強勁,hp多

起手Tactic咭最多,偏向戰爭為主

human

最勁都係騎兵,感覺上冇高階兵種,個人認為4個當中最弱小的,所以最好有中立兵幫助,但同時間因為騎兵強,可以比對手快生產出中等部隊,早段佔優

elf

起手$最多,開頭要留意food唔夠,但wood比其他人多

兵種技能全部damage都能自己選擇傷害者,往往能用低階部隊打贏人

注意elf係冇六角型的部隊,要精英部隊只能靠中立和平隊伍的幫助

我覺得任何時候留返$1在度一定有著數,不論season事件要俾錢,bid龍石等,總之有錢人永遠著數d,錢的來源唔多,每年秋天的$2,或者拿city的資源,7號仔的直接拿錢,good的development等呢d都係收入的一部份,用錢的地方最多我覺得係外交,其他的

 

好多人都有好多棋,但作為一個Pro Gamer除左要有不同的棋呢個基本中的基本外,以下的物品你都應該要準備,為的是玩Game時更方便快捷,讓你成為與別不同的Gamer

1. 膠盒或者自制的分類盒

有冇試過每次玩波多都要花上20分鐘setup好,玩完ticket to ride又要將車仔塞番入袋,一些配件上百件的game,每次玩時都要將配件分類,拿某隻兵時要找一輪,如果以上的你身同感受,你應該留意一下$10店,讓膠盒仔幫你,等其他人都欣賞你細心的一面

2. 骰塔Dice Tower

玩大富翁時一擲骰變成2012全部屋數晒,玩catan島連路都唔見埋?Dice Tower可以用大一d的膠盒去做,如果你覺得膠盒好嘈,可以試下用細的紙皮盒,入面放入唔同顏色的骰仔,讓玩家每人可以有”私家骰”都唔錯!

3. 籌碼

紙鈔用得多會爛會霉,找續時唔方便,重量適合的籌碼令隻game生色不少,當堂貴氣左,不過唔係隻隻game都合用,大富翁太多錢就唔咁用,因為你唔可能將所有籌碼一次過拿上手

4. 咭盒

太多咭Game的外盒設計係好大同唔方便你收蔵帶出街的,可以試下買個咭盒袋住,好以Monopoly Deal咁,一個Magic咭盒剛好袋晒過百張咭,玩完又快收埋,推介!

5. 中文的簡單說明或者精要說明

好多人對英文有難過,特別係新手唔明隻game的術語,令教棋時遇到困難,可以去BBG找一下有冇中文的說明,或者一d流程Quick Notes再加以改量,我自己就玩富饒時就有一份簡單的角色能力表,玩Starcraft就有每種族的簡介同咭牌大小,方便自己又方便人,唔會讓人覺得老手蝦新手的情況

6. 智能電話

除了等人約或者約人之外,好多game都有程式可以用的,Agricola的計分,Small World的種族配搭參考,Magic 的Life Counter等等,呢d都會讓你羸得欣賞的目光

以上所講的只係個人喜好,同隻game好唔好玩,大家的氣氛無關,係咪要成為與眾不同,你自己揀