Samuel玩樂格

呢個版本係我暫時覺得比較好玩的,因為有長有短路,得分又多左Passenger,令變數大好大,係冇美國版咁卡,好多地方都有成4-5條路,基本上要BLOCK死人係難左,只能今佢冇咁易做到任務

反而策略上我覺得有以下:

1. 任務

玩TICKET TO RIDE一路都係任務為主的得分,呢個版還有長短任務任你揀,4個任務的組合,只要其中有一個係岩你的,拿到分的機會好大

我建議開頭拿晒4條長路,之後先再拿短路

原因係呢個版本,好難BLOCK得死的,所以要善用呢點長路的分會俾短路多好多,尤其係國家去國家的路,好多時你可以拿到2-3條差唔多路線的,咁你就已經好高分

2. 放路的位置

唔同美國版分東西岸,呢個版我會建議一定要搶中間的路線,千萬唔好建在邊邊位,因為之後你再拿任務時的延申會差好遠,建在中間,4通8達,之後可以在拿任務時,選1短3長,到時短任務通常都係起多一條路就搞掂

呢個版本,右邊路係以長路為主,左下以短路為主, 中間的就係4-5格路多,所以要開頭右邊比左邊有利,末段左邊的可以END GAME

好多人都識一條路通過晒D任務,但有時要變通下,從一點伸出去也可以,因為呢個版本冇左美國版的最長路加分,所以點起到冇問題,最好係選只要最少回合就能做的為優先

3. Passenger

呢個拿分的方法會比任務多,如果處理得好,分分鐘一次行人拿成4-50分,所以一開始起路時要計劃下,好多人會特登起去BERLIN拿7分的,但更重要的係盡量第一個行人,咁你會多D分

不過我自己都係以任務為主導的,因為做唔到就要扣分,所以一定係做好任務為優先

通常中段就好行,如果唔係你冇咩分拿到的

4. END GAME

睇時機END GAME都可以令人家做唔到任務而扣分的

加上END GAME的人會比其他人多1 ROUND,變相多D分

5. 拿咭

4+百搭係呢個GAME最好的咭,因為佢可以拿2張,而且呢個版本4條以上的路好多,一定用到

通常如非到最後我到係一定唔會只拿一張百搭的,枱面唔岩的我情願抽咭好過,2張比1張多成倍,點揀唔洗我講啦

因為想準備重量級教室的notes,所以列出波多常見的combo

1. hacienda+construction hut     *

pros: 好快的拿滿田+quarry的手段,配合4分的建築residence最高可以拿7分,係唔錯的選擇,自己從此可以唔洗選settlers,也左右對手拿settlers的決定

注意: 一定要盡早拿,後期唔需要用時記得分配過d人仔

cons: 未必能拿到手儀的田,當田滿左或者quarry拿晒後呢個combo係一定冇用的

早段我情願留$$去買貴貨的工廠,除非我知道自己好可能拿唔到quarry,4-5人局用處多d,3人基本上唔用到可以拿滿的

2. Harbour+Wharf   **

pros: 拿分好快同多,最點係最好獨佔一條船,慢慢逐少上貨

cons: 要成$17成可以做到呢個combo,$17可以有其他的選擇,或者是但做一樣

人多的話其本上你冇可能做到呢個combo,是但選一樣做的話要睇當時的情況,自己計算下Harbour定Wharf可以拿多d分,通常有一樣作物多的話,wharf會好d,相反樣樣都有而且對手冇獨佔船的話就選harbour

通常一鋪可以上船4次左右

3. Factory + 多樣生產(一定要corn)    ***

pros: 增加收入的來源,通常有3樣作物就可以做,每次生產時都有$2,不論上船或者build都好有用

cons: 會變成每樣作物都有,但未必有一樣多,上船時要小心好多貨會壞

我自己通常會一開始買一樣貴野,根住就會存$買factory,阻止對手成日craft

4. 起手拿corn時第一樣買Small Market   ***

3人時特別有效,4人時最後一家有效,5人時家家都應搶Small Market

pros: 第一round通常都只能選settlers,build,mayor

所以3人時你好大機會能選mayor拿2個人,跟手下一round craft,再trade,咁你就能以corn去拿成$6-7

遇著新手時,最好用的一招

所以一般3人時,第2個人可以做的係,有corn拿corn,第一round build時買indigo,第2round時mayor,使自己都可以生產出作物trade

cons: 會浪費$1去買可能能夠用quarry去免費拿的Small Market

5. Residence+fortress+hacienda+hospice *

pros: 之前講過hacienda+residence可以拿到7分,如果配合hospice能夠多3分加上你去拿MAYOR的人,能夠拿到的工人平均數為18個,應該都可以拿到8分以上,都算一個可以拿高分的4+4的COMBO

cons: 計一計你要買2個4分,TOTAL要$26,加上要提防人家會搶先買的風險

一般4分建築,BUILD的喜歡GUILD HALL,因為最多10分

上船的要CUSTOMS,因為分多,都能拿到7-8分,另一個多人拿的係FORTRESS, 一般人都能拿5-6分

6. 5人時快速買Tobacco  **

因為5人起手為$4,所以基本上,第一ROUND選BUILD就能夠買到

pros: 早段能生產到貴貨,通常都可以TRADE到的

cons: 對手見你有tobacco,一定選CAPTAIN迫你上船,所以實用性不及CORN+Small Market

7. Small Market + Large Market   *

pros: 每次賣野多$3

cons: 效能低,一鋪裡面你賣得幾多次,3人和5人好多時TRADE唔到,4人或者可以次次TRADE,但我情願買OFFICE好過

8. Quarry   ***

pros: 每次賣野都平$1,最好要1-2個,4個效能好低,一鋪成買得最多3次4分建築

拿了QUARRY後好多時都唔洗$就可以拿野,變相可以在人家BUILD時儲$和拿分

Indigo, Small Market

Sugar, hacienda, construction hut 自己選BUILD時就唔洗$

cons: 少左機會拿田,特別係CORN

如果3人GAME,我建議以TRADE為主要賺$,SETTLERS主要拿CORN為目的,沒有的話就選其他職業

4和5人的話一定分唔衡,如果遇到對手起construction hut,更加要小心,自己看時機拿返1-2個

9. Double Craftman  **

pros: 理用先後次序,連續2次Craftman,使對手因為物資短缺,拿唔到資源,或者破壞對手獨佔船或者上船拿分

cons: 好容易益左FACTORY的玩家

10. 計算分數和工人數 ***

特別在後期,當每次BUILD或者MAYOR時要計算自己是否能贏,要知道MAYOR會END GAME,所以有時要計算是否要立即END,或者唔夠分,就要移動下工人

記著: 當專心你的工作,上船的上船,BUILD的BUILD

11. 獨佔作物和獨佔船

任何時候能夠獨佔作物都係好的,因為可以TRADE又可以獨佔船,限制對手上船上

要獨佔作物唯一的辦法係選SETTLERS,通常貴的貨因為要俾$買工廠,所以都會有一段時獨佔的,時間越長越有利

12. 靈活

因為起始位置和對手的不同,以使你的策略都會相對調整,好好學習上船和BUILD的策略,因為好可能你2樣都需要用,或者你遇到BUILD的對手,你要懂得防守和爭勝

記著: 任何時候都以爭取第1為目標

最近呢隻Board Game出了個50週年版,不過好貴成千蚊,對於我呢個有舊版的人,都唔知買唔買好。

講開呢副棋,我找過好多網上的評論,但中文的好少,比較出色的只得中大前棋會D人。

所以我會在度講多D心得同上網對戰的事。

現在D人玩棋都要快,所以流行玩德國棋,呢隻GAME起碼要3-4小時先可以叫分倒勝負,不過真係好好玩,如果喜歡RISK(戰國風雲)的話,你一定會好想玩呢副。

本BLOG會以舊版(3rd edition)為例,因為我冇新版的關係,網上對戰又最多人玩呢個版。

想當年中學時期用$250在玩具反斗城買的,仲要係5個同學仔夾錢。當時每個星期六都會上黎我屋企玩,玩完返教會的。5個人玩每人一個國家,分開同盟(蘇,英,美)和軸心(德,日)。我最喜歡做軸心國,尤其係日本,因為軸心國要贏好多時要睇日本,日本玩得好贏的機會大,係大唔係一定贏,相反就一定輸。

呢隻GAME,軸心國係處於下風的,無論你話玩過德國D ARMOR(坦克)幾勁,日本以一打3幾好揪都好,我自己玩過甘多次90%以上都是同盟贏。就連上網的CLUB都係會要一開始同盟讓分(BIDDING)來玩先叫公平就知。

其實原因好簡單,同盟軍的$係遠多於軸心的,呢度有個表可以說明這一點

一開始,兵力雙方差唔多,但一開始的$,就差好遠,$33在於隻GAME來講係可以等同11隻兵,係等於你要打多人地11隻兵先可以同人地在資源上平等。長遠來說呢個差距只會越來越大,因為最貴的地在首都,而英,美的首都在山卡拉咁遠,大多數在主要戰場的地都係$1,$2,所以點樣拉近$距離就成為主要課題了。

星期六有幸在FAN介紹下認識了。

很好的平衡，達到勝利的條件多，策略變相多了。亦因為少了DICE，少了運氣成份，對一些成日說自己黑仔的玩家最岩。

跟其他玩家的互動都很好，因為每一個PHASE的先後可以影響好大。

有興趣的人可以下載這個PC版自己試玩下

http://members.shaw.ca/madd_mugsy/mods.html

我只係初哥，知道基本玩法而又想進深的可以去哩度：

http://tw.myblog.yahoo.com/pacers921014/article?mid=73&prev=74&next=72

最近有時間，才可以學識出名的 Settle of Catan。

仲自己話自己係gamer，咁遲先學識一隻出名咁耐旳棋。唉，冇人同我玩，個心力係少Ｄ的，我現在學識都係因為有隻PC版，自己同電腦玩下先識，下次我想會同組員一齊玩下。

遊戲玩法好簡單，易明，但我自己覺得同對手的互動性較低，對手領先好多的話，你可以做的唔多。

遊戲玩法：

http://blog.pixnet.net/crazycat1130/post/6771065

這個有心得介紹：

http://blog.shiue.net/archives/165

講返其實我冇棋的，下次要找一下CAPCOM出的（喜愛日本版），不過我有一副出面買唔到的試玩版。呢副係我好多年前去日本參加電玩展時，CAPCOM在場地免費派的，現在收在箱到，遲Ｄ搬好屋就可以玩了。

我地的玩樂部屋開始動工了，放Ｄ裝修前、裝修後的相出來先

上年11月買下的單位，先放租２個半月，現在開始裝修，希望8月底可以入伙，讓我有2個月自己1個人住的生活先。

由買樓到計劃裝修，思前想後，要改動的地方真係好多，

全屋大執，換窗換電換水喉，所有上手的野都唔會留底。

多謝我地的設計師Linda的幫助，設計圖已經PLAN好。

最終要開始了，我會keep住update的，希望可以俾其他人作出參巧。

最後最緊要多謝我全家對我地的部屋的支持！呢間屋都係屬於你地的！

最終買到了!

等左1星期，終於有XP版了，好開心一放工就去買，今日超多野做，開頭都擔心買唔到，買唔到又要等下水貨，去到仲有最後2台，正，check過冇光死點，YEAH

網上好多人都話買LINUX版抵D，有多8G，但我覺得反正8G唔得SLC SSD，同張SD CARD係一樣的，不如買張咭好過。

個windowsXP貴過一張8G咭好多的，有正版update方便好多，最想試的其實係Works，雖然功能少好多，但我最想做的Household Management，可以俾女友用，計劃下我地新屋的預算，呢個point加晒分！

其實買部機主要係去旅行用，一來可以上網、睇戲，二來可以當半部Photo Bank用，我以前用Iriver H300去存相的，有20G又細部好好用，但最衰係佢得USB1.0，過相慢到...Zzzzzzz，我玩DLSR用張2G咭，全過要成3個鐘，仲要連舊電用完都未過到，好在依家Ｄ咭平，買多幾張都可以。

又可以帶出街俾FAN睇相，我父母最啱，唔識用電腦，去完旅行、結婚相，飲茶時俾佢地睇。

網上好多POST介紹、開箱文等，我唔寫了，可以去以下Link

http://www.umpcfever.com/viewthread.php?tid=1183&extra=page%3D1